قائمة الجهات الاعلى رواتب ومزايا في السعودية

احد عارف كم متوسط رواتبهم والمزايا؟ زي الانماء البلاد وغيرها

انا استخدم الذكاء في كل شغلي وتطورت في مخرجات الشركه بشكل كبييير، واستخدم نسخ مدفوعه احترافيه توصل 1000 ريال للاشتراك

هل عادي احط في السي في مهارة استخدام الذكاء الاصطناعي بالشكل الاحترافي

تنظيم جداول
عروض تقديميه
تصاميم اعلانيه
تحليل بيانات
مونتاج اعلاني لفديوهات احترافيه
ترجمات

حرفيا اتقنه
بس خايفه انه يصير عيب بدال لا يصير ميزة فيني لما اذكر استخدامي للذكاء الاصطناعي!

بالنسبة لي اول ما تخرجت كلموني وزارة الصحة على وظيفة خارج الرياض وبمنطقة نائية لكن رفضتها وتوظفت في خاص وعجزت اطلع منه للحين 🥲 اللي خلاني اندم كل اللي اعرفهم وقبلوا جاهم قرار نقل للرياض خلال سنة

سويت مقابلة الأسبوع اللي راح مع إحدى الشركات، ومن أول ما دخلت وأنا مستغربة! اللي قابلوني كانوا 3 أشخاص، ولما كنت رايحة لغرفة الاجتماعات شفت مكاتب الموظفين، وأغلب الموجودين أجانب، مع وجود بنتين سعوديات 😃

بس مو هنا المشكلة، المشكلة في المقابلة نفسها!

الأسئلة كانت تحشير وتحجير بشكل مبالغ فيه، ومن ضمنها: ليش ما كملتي ماجستير؟ وليش أخذتي
CIPD Level 5
مو Level 7؟

يا جماعة الخير، أنا جاية أقدم على وظيفة، مو جاية أدافع عن قراراتي الدراسية والمهنية!

المهم، جاوبت عن كل الأسئلة بكل هدوء، وخلصت المقابلة وأنا أقول خير إن شاء الله.

لكن المفاجأة الحقيقية كانت في النهاية: الراتب 4000 ريال!

يعني كل هالتدقيق والتحقيق في المؤهلات والشهادات، وكل هالأسئلة اللي تحسسك إنك مقدمة على منصب تنفيذي كبير، وبالأخير هذا الراتب؟

والله المشكلة مو في صعوبة الأسئلة بحد ذاتها، المشكلة إن مستوى التدقيق والتوقعات ما كان متناسبًا أبدًا مع العرض المالي.

طلعت وأنا أقول: حسبي الله ونعم الوكيل، على الأقل خلوا الراتب يستاهل هالتحقيق كله! ي

موقع يساعد موظفين الشركات والقطاعات الصحية
منظم شفتات
تقويم با اًوقات المناسبات والدراسه وغيرها
ميزات لموظفي ارامكو

موقع شفتك Urshift

السلام عليكم
بكرا اول يوم دوام لي بوظيفة تقنية ويوم كنت اجري المقابلات
كنت واثقة من نفسي.

لكن فجأة اعتراني خوف شديد من ناحية إمكانياتي بكتابة الاكواد والمفاهيم التقنية لأن الوظيفة فيها جزء من هذا الشي.

هل ممكن اكون ما دون المستوى المطلوب وهل يتوقعون مني كجونيور الكثير؟ أنا مستعدة أتعلم لكن اخاف توتري يكون عائق لي بإستيعابي خصوصًا اني اخاف اغلط او ارجع اسأل والوظيفة لوقت طويل كانت حلم لي.

لسا بثاني سنه جامعه بس ماعندي اي فكره كيف الواحد يقدم على التدريب ووين يلقى فرص تدريب اصلا وبعد مايتخرج كيف يختار الشركات اللي يقدم عليها ووين يلقاها اصلا، ماعندي علاقات اقدر استفسر من خلالها ودايماً احسه شي جدا مجهول لدرجة احس اني ممكن افشل فيه قبل ما اخوضه

السلام عليكم ورحمة الله وبركاته
انا تخرجت لي ثلاث شهور و مره الوضع لك عليه وماعندي مصدر دخل الزبده قدمت على حافز و قالوا لازم اروح لهدف مقابله ؟ طيب وش السبب وليه ممكن اروح مقابله لهدف؟ و بالمقابله وش ممكن يسالوني ؟ وهل لو ما رحت يصير شي؟

خصوصا لو كنتوا طلاب حاسب أو إدارة أعمال

أحس بإرهاق وعدم رغبة في العمل، لكن وقت العمل نفسه أحس إني ما أفكر كثير. أول ما أدخل البيت، تبدأ الأفكار تجيني وتنهال علي، لدرجة إنها تخليني ما أنام، ولا أفرح، ولا أضحك، ولا تكون لي رغبة في أسوي أي شيء.

مع إن العمل يبدو لي سهلًا بسبب مميزاته، إلا أني ما عندي رغبة في حياة العمل بشكل عام. ودائمًا يجيني شعور مزعج، وأتساءل: ليش أيام الامتياز والجامعة ما كنت أحس بمرور الوقت، وكنت أنبسط وأروح وأنا مرتاح؟ لكن لما صارت عندي وظيفة، بدأت أحس بالوحدة والقلق والضياع. ما أعرف وين بوصل، ولا إيش أبغى من حياتي، وحتى الأشياء اللي المفروض إني أطمح لها، مثل شراء سيارة وبيت والزواج، صرت أتساءل: هل فعلًا هذي الأشياء أبغاها، أو إنها مجرد مسؤوليات إضافية بتكون فوق طاقتي؟

حتى جهازي الهضمي صار يتعبني من يوم ما بدأت الوظيفة، والحين كملت شهر وأنا على هالحال. ومع ذلك، أحيانًا أروح للعمل وأنا مبسوط وأقول إن يومي خفيف، وأحيانًا ثانية تنسد نفسيتي وأحس بالضيق.

صرت محتار وما أعرف إيش أبغى بالضبط. هل كل اللي أبغاه إني أنام وألعب وأعيش بدون مسؤوليات؟ أو إني أطمح لشيء أكبر، مثل وظيفة حكومية؟ أو يمكن أبغى أغيّر مساري وأشتغل في مجال ماله علاقة بتخصصي؟

والسؤال اللي يتعبني أكثر: هل أقدر أتخيل نفسي أشتغل في هالمجال لمدة 20 سنة؟ وهل المشكلة في الوظيفة الحالية، أو في طبيعة حياة العمل نفسها؟

هل فيه أحد مر بتجربة مشابهة؟ وكيف قدر يفهم نفسه ويعرف إيش يبغى من حياته؟

جاتني رسالة على مسمى Head of Sales في الرياض "أنا من جدة" في شركة تقدم خدمات تقنية للقطاعات الحكومية والخاصة ومذكور فيها الرينج حق الرواتب واذا مهتم ارسل السي في،، ارسلت السي في واتواصلوا معايا ويفاجئوني انه المسمى الحقيقي للوظيفة VP of Sales، طبعا الصدمة انه الراتب الي عارضينه يبغالك تدبله مرة ونص عشان تدخل بداية سلم ال VP في اي شركة محترمة وكبيرة ، والآن محتار اكمل الاجراء واخد المسمى واظلم نفسي بعد كدا اذا جيت ادوّر وظيفة ثانية بنفس المسمى او اطالبهم يغيروا المسمى لشي مناسب للراتب الي عارضينه؟؟

ودي استفسر عن هذا المجال ومستقبله في البنوك والقطاع المالي بشكل عام، اذا احد قد اشتغل فيه او يعرف عنه ممكن يفيدنا

تعرفون اليه الترشيح كيف للدوارت الي يقدمونها؟ لان وصلتني دوره حضوري مدفوعه التكاليف بس انا ما قدمت هم رشحوني
احد يعرف يعلمني الاليه وهل اروح او لا؟
لان الموضوع خارج تخصصي

من يعرف هذا البرنامج وعنده خلفية عنه برنامج الموظف الإداري المحترف باستخدام الذكاء الاصطناعي

سويت مقابلة وما ارسلت فولو اب معتمده على كلامهم ان الرد بيكون خلال اسبوعين وبرضو على نظام وجوب الرد خلال مدة لا تتجاوز 30 يوم، بعد 4 أيام بكمل شهر تحسون ارسل ايميل ولا اسكت واشوف؟ علمًا اني مدري هل جازت لي الوظيفة اصلًا او لا ودي يجي القبول والرفض من الله بدون ما اطرد واتشفق.

السلام عليكم

الله يعطيكم العافية احتاج من تجاربكم ورايكم انا تخصصي بكالوريس علوم الحاسب
وحاليا في منطقة تقريبا الوظايف التقنية فيها شبة معدومه سويت اكثر من انترفيو علي وظايف في الرياض لاكن الله ماكتب لي فيها نصيب

حاليا مخطط يوم الاحد اروح الي الرياض واقدم يدوي بنفسي امر علي الشركات واقدم ف ايش رايكم في الموضوع وايش تنصحوني

https://docs.google.com/forms/d/e/1FAIpQLSeUZQWETSs7MWSpCdniLjrZucOtP-CFXSpc5AwmKZn_GouD2w/viewform?usp=header

السلام عليكم ورحمة الله وبركاته
دوبي جديدة في لنكدإن مالي فيه، فبسألكم هل بعد كل دورة/ورشة اخذ منه شهادة انزل شهادتي كبوست في لنكدإن؟

واللي عندو نصايح في اشياء تانية يفيدني بكون شاكرة

السلام عليكم جميعا احتاج فزعةةة

احد يعرف هذي الشركة او قد اشتغل فيها؟ كيف بيئتها رواتبهم كيف نظامهم والتطور الوظيفي ؟ احتاج مساعدة بهالمعلومات وبدعي للي يساعد ان شاء الله 🙏

السلام عليكم ورحمة الله وبركاته
دوبي جديدة في لنكدإن مالي فيه، فبسألكم هل بعد كل دورة/ورشة اخذ منه شهادة انزل شهادتي كبوست في لنكدإن؟

واللي عندو نصايح في اشياء تانية يفيدني بكون شاكرة

نقطة هذي

“If the employee resigns during the probation period, the employee agrees to compensate the Employer for the expenses incurred for employment process and pro-rated medical insurance cover.”

وكمان كاتبين الوظيفة ب head office وهو فرعهم الاساسي بدبي. رغم ان اثناء المقابلة وضحت اني راح اداوم من مدينتي وراح اروح للرياض في حال فيه تاسكات محددة تحتاج وجودي.

هلًا جميعًا!

أنا طالبة ماجستير ، وحاليًا أشتغل على مشروع بحثي في التصميم عن مرحلة ما بعد التخرج، وتحديدًا الشعور بالتخبط وعدم اليقين تجاه المستقبل.

مهتمة أسمع تجارب الأشخاص اللي بعد تخرجهم بدؤوا يتساءلون عن قراراتهم، أو حسّوا إنهم مو متأكدين من مسارهم المهني، أو اكتشفوا إن تخصصهم مو الشيء اللي يبغون يكملون فيه، أو حتى حسّوا إنهم متأخرين عن غيرهم وما يعرفون وش الخطوة الجاية.

في بحثي أستخدم طريقة اسمها Photovoice، وهي طريقة بحثية تتيح للمشاركين التعبير عن تجاربهم من خلال الصور وشرح المعاني المرتبطة فيها.

وش المطلوب من المشاركين؟

• تصوير 3–5 صور بسيطة لأشياء أو أماكن أو مواقف تعبّر عن تجربتهم بعد التخرج.
• مشاركة شرح بسيط لكل صورة، وليش اختاروها ووش تمثل لهم.

مو ضروري تكون الصور احترافية، ولا يحتاج تصورون أنفسكم أو تشاركون أي معلومات شخصية.

وبوضح لكم تفاصيل استخدام الصور والإجابات قبل ما توافقون على المشاركة.

إذا سبق ومريتوا بهالتجربة وحابين تشاركون، يسعدني تكتبون بالتعليقات أو تتواصلون معي على الخاص.

شكرًا لكم مقدمًا، ومشاركاتكم بتساعدني أفهم التجربة من وجهات نظر مختلفة، وأبني هوية بصرية تعبّر عن هذا المجتمع وتجاربه.