اخ دعواتكم يخوان بكرا نبدأ من الأحد للخميس كل يوم ميد 🫩

بديت بال case study الساعة ١١ الصباح، خلصت ٧:٥٥ المساء (مع البريكات)، الموضوع ممكن تحسوه سهل لأنه سكتشات وبدون سكيل، بس بالحقيقة متعب وياخذ وقت
أي احد يفكر يدخل architecture (بدون مايكون عنده شغف بهالمجال) يسأل نفسه هل مستعد ظهره ينكسر ولا يشم الفل مارك؟

في الثانوي و خصيصا ثالث ثانوي كان انا في طريق و المذاكره في طريق، كان اتوقع صف ثالث ثانوي كامل ما ذاكرت إلا مره واحده و عشان امي تشوفني اني اذاكر فقط، كان فيني كسل غريب يعني حتى الاختبارات النهائية ما اذاكر لها و مع ذالك تخرجت بنسبة 95%، و بسبب هذا كله الان انا في الجامعه و ما اقدر اجبر نفسي اذاكر و كل يوم تتأجل المذاكره لليوم الي، بعده
و هذا انا بكرا علي اختبار و شايل همه مع ان كان اقدر ابدأ مذاكره قبل ثلاث ايام بس هذي هي نتيجة الإهمال

معليش انا اوتستك احتاج شوي مساعده في السوشال كيوز

كيف اعرف اذا البنات يطالعون فيني عشان حشو فيني ولا يطالعون عشان they wanna be friends and im just intimidateding them ( i dont look friendly and maybe thats why ) d”
بس يعني ممكن هذا كمان سبب انهم يحشون فيني🤨

اعرف اني حلوه بس برضو يعني معقوله كل احد يطالع فيني كل الشعبه تطالع كل ماوفهم في مكان ماينزلون عينهم هاو؟

عندي استفسار بخصوص ان الدكتور يمدي يرشح طالب ذو معدل عادي اقل من العادي عشان يصير معيد؟ او اصلا هل الدكاتره يرشحون اشخاص يصيرون معيدين

بطبعي انسانه اجتماعيه و اصاحب كثير و الشي ذا دخلني بمواقف و غدرات يا كثرها و صارت عندي زي الخبره او البصيره اعرف معدن الشخص قبل لا اتخل معاه بصحبه و اتجنبهم على طول الشي ذا حلو انه منع مني الاذيه من الناس بنفس الوقت لي سنتين بالجامعه و اتكلم مع الكل و اكون اجماعية معاهم بس مستحيل اخليهم صحبه
هل انا احس بالوحده الان ؟ نعم
هل انا شاكره لذي البصيره ؟ نعم و بكثره
هل اصاحب اي شخص و امشي الدنيا؟ لا لان مالي خلق لصداع الراس
في ذي الحاله انا ممتنه و شاكره للبصيرة بس اتمنا القا الشخص التقي المسالم

ودي اذاكر ودي اصير الأفضل على مستوى المملكه والعالم بشي معين مدري وش هو لكن مالي نفس اني اذاكر ومالي نفس اغصب نفسي ومافيني دافع ولا شغف مدري كيف اشرح لكم بس يوم اتذكر المذاكره احس اضيم شالحل ابي أتعدل

مو حاطة حق الكتابة
وما أبغى أحط الصفحات اللي تجي على جنب تشتت
هل فيه طريقة؟

السلام عليكم، أنا طالب دفعة ٤٤٨ في جامعة الملك سعود متخصص فالهندسة الكهربائية وقد أنقبلت في البترول تحديدا القبول الألحاقي فالهندسة المدنية و قررت رفض التخصص بحكم أني أقدر أدخل في رغبتي الأولى بسعود وبالفعل هذا الي صار أنقبلت ولله الحمد في سعود في رغبتي الأولى، ولكن الفترة الأخيرة أحس بندم على تفويت فرصة الدراسة فالبترول لأني قاعد أحس بخيبة أمل كبيرة في سعود وغير كذا أعرف صديق أنقبل فالبترول ومن الكلام الي يقوله لي أحس أن فيه فرق شاسع بين سعود والبترول.

وش رأيكم أكمل في سعود؟ ولا أضغط على نفسي وأختبر مبكر للبترول؟

ياعالم مو معقوله البنات لهم ساعه يناقشون اي يوم يخلون الميد هو اونلاااييينن ويتهاوشون وكل وحده مايناسبها عندها ميدات ثانيه، ماتغشون انتم؟ وغير كذا قلنا بنخليه بعد اخر ميد للجميع قالوا صعبه نذاكرله وتونا مخلصين ميدات مخنا مقفل، بديت اشك حقون الجامعه يحبون الهرج ويعنني عندنا مشكله عظيمه ياخي صوتوا وخلاص. اكرههم دايم كذا هم بكلشي يسوون ضجه وتوتر بينما الموضوع مايستاهل

تنظيم الوقت عندي اصعب من المذاكرة
شلون تنظمونه تعبت وانا احاول عطوني طرق نصايح شي

بكره بدايه الفاينلز عندنا وعندي كالك🫩🫩🫩🫩
حرفيًا ابغا اعدي بس ادعولي

انا بفهم الناس الي اطيح فيهم في مشاريع ليه سيئه مهملين و ما يعرفون يسوون شي صح وانانيتهم لا تطاق المفروض خريحات يتعبون شوي كلنا عندنا ميدات واختبارات بس مشروع عليه ٢٠ درجة مثل الميد ولحد يقول ما تكلمت من كثر ما كتبته لهم واكلمهم صارو مايردون علي ولا اصلاً يفتحون القروب و الي يقهر اكثر الاقيهم بقروب الماده متفاعلين يعني ايش؟؟ المفروض يوم الاثنين عرضنا وللحين ماعرف وش اتكلم عنه و هذه شي موترني موت ما احب انرمي كذا اخخ يارب يسيرها انا فقدت الشغف

بكرا عندي ميدين ، ميد للجافا انا في الكويز حقه ذاكرت ٧ محاضرات اما الميدين زاد ثلاثه يعني بقيلي ثلاثه ، (الكويز كان قبل اسبوع) وقال بيصعب الميد

وعندي ميد فيزيا ماذاكرت منه شي

ابغا طريقه يصير مااعيد الجافا بس اراجعه بسرعه واشوف الثلاث محاضرات الباقيه عشان الوقت

شكرا

السلام عليكم، أنا طالب كيمياء حيوية بجامعة عبدالعزيز، وما أحب التخصص ولا أفهمه؛ دخلته بس عشان معدله العالي. والتخصص الي ابيه هندسة الحاسب، لأن عندي ميول تقنية وخلفية بسيطة بالبرمجة. معدلات التحويل عندنا جدا جدا مرتفعه، وما قدرت أحول لأنهم طلبوا 4.93 وأنا معدلي أقل من 4. الجامعة بعيدة عن بيتي، والزحمة تضيع وقتي، فمشواري ياخذ ساعة ونص بالزحمة أو 45 دقيقة بدونها. أطلع 8 الصباح وأرجع 5 العصر واكون متهالك، وما يبقى من يومي إلا 6 ساعات. مو مسألة دلع انا ماعندي مشكلة مع مسافة بعيده او داوم طويل، لكن الزحمة والطريق والدوام الطويل مع بعض أمور مقدر اتعايش معها.

الان عندي حلين هل اختبر ايلتس واروح ابتعاث وممكن اعاني من قلة المصروف وصعوبة الحياة وذي الأمور وانعدام الامان في أمريكا

او الحل الآخر اني اخاطر واختبر قدرات وتحصيلي والحين طالبين ستيب بعد واحاول اهلك عقلي خلال 5 شهور ويمكن في اختبار واحد ما اجيب درجة كويسه او يمكن اجيب درجة كويسه بس مو هي المطلوبة لدخول التخصص ويخرب الموضوع بالكامل

للمعلومية:

الخمسة شهور الي اتكلم عنها هذي هي الترم الجاي من السنة هذي راح أأجلها عشان اكون فاضي واقدر اذاكر براحتي

انا مستواي الدراسي اشوفه جيد جدا يعني مو ممتاز وهذي معدلاتي للي يبغى يعرف:

73% قدرات

67% تحصيلي

93% ثانوي

3.75 من 5 في الجامعة

ما اختبرت ستيب لأن ماكان إجباري سنة دخولي للجامعة

انا عندي احساس جاني غريب بالجامعه
لاني اول سنه درجاتي ماش
صرت احس حتى لو ذاكرت مابجيب الدرجه اللي ابيها فصرت ماذاكر بحماس واقعد خايف وانا اذاكر بعدها اسحب على امها

والله ايام الثانوي ماكنت احس كذا حتى باختبارات قياس كنت اذاكر واحساس اجيب 95 واجيبها بس مدري شالحل لي سنه كذا ومو راضي يختفي

كنت اشتغل في جامعة اهلية اعرف شخصين فيها شخص سعودي والثاني اجنبي يعملون ك Assistant Professor من غير شهادة دكتوراه الاثنين نعم درسوا خارج المملكة واشتغلوا على ابحاث لكن ما عندهم شهادات وهذا الشيء فيه تلاعب لانهم الاثنين يدعون عكس ذلك وين اشتكي

بسال كيف تجربتكم اول الشهور ومنجد هم يوفرون كل شي ولا؟

عندي استفسار بخصوص ان الدكتور يمدي يرشح طالب ذو معدل عادي اقل من العادي عشان يصير معيد؟ او اصلا هل الدكاتره يرشحون اشخاص يصيرون معيدين